天氣麻麻哋，成日落完雨又出大太陽，好翳焗啊～鵝再為食，都實在唔想落街買午餐。
一開冰格，發現仲有pack #多春魚 未食——
焗一焗，香到呢，lucky！
ヽ( ‘ ∀ ` )ﾉ♪
最近鵝喺Instagram睇到個post，提到企鵝因為大多生活喺低溫環境，多數味覺已經退化，根本食唔出啲魚新唔新鮮。
明明企鵝主食係鮮魚，咁樣即係味如嚼蠟？奇怪！
愛fact-check嘅鵝當然唔會放過呢個機會。2015年嘅一份研究指出，企鵝嘅共同祖先失去咗鮮、苦味味覺，而甜味味覺在更在早前已遺失，同大部分鳥類一樣食唔出甜味。鳥類之中，只有鳴禽和採食花蜜的蜂鳥係例外。
企鵝舌頭唔似得人類有 #味蕾 ，只有又硬又尖的肉質倒刺，令滑溜溜嘅魚入口後走唔甩，然後企鵝直接吞下整條魚。
鵝吞虎嚥嘅食相，可能真係唔太需要味覺享受呢。
ヾ(´;; ◉ ⊖ ◉ ;;’)ﾉ
研究推斷，幫助感知甜、鮮、鹹味嘅Trpm5蛋白質，喺攝氏零度的南極圈環境中唔活躍，企鵝祖先們無法經呢個方式分辨出味道，味覺功能亦慢慢遺失。
不過，鵝喺亞熱帶地區住咗咁耐，舌頭早就同人類一樣，食到甜酸鹹苦鮮五種味道。食神鵝𠵱家要趁熱食多春魚仔喇！Jap Jap Jap！
ლ (´ ڡ `ლ) ♡
Comments