鏡中嘅基督君王小堂

鵝路經 #東院道，發現 #基督君王小堂 前，新整好一個花園仔喎！最鍾意花園嘅鵝，即刻經 #聖保祿醫院 主樓入口去逛吓，留返幾條鵝毛先～

♬ヽ(*・ω・)ﾉ

本來基督君王小堂被四周嘅醫院、學校同修院遮擋住，而家就開揚好多，睇得一清二楚。

在場有幾個判頭師傅，喺度討論緊個工程，鵝又搭吓嗲先！師傅話，基本上，個花園已經完工，不過等搞埋開幕典禮，二月尾先正式對外開放呢。

天朗氣晴嗰陣，花園水池會呈現一個優美嘅小堂倒影——

鵝等咗好耐好耐，等到風平浪靜嘅一刻留倩影。有冇人類留意到鏡中鵝？

(❁ ´◡` ❁)

#企鵝散步見聞