企鵝掛住搵資料，睇到天昏地暗之時，碌到一個令鵝振奮嘅消息！
(⚆ᗝ⚆)و✧
#城市自然挑戰賽2023 （City Nature Challenge）嘅賽果新鮮出爐，香港今年再度創下佳績～喺參賽嘅482個城市當中，香港居民上載咗39,071個觀察紀錄，排行第六，而觀察到嘅物種數目有成4,469種，喺所有參與嘅城市當中排行第二，犀利犀利！
城市自然挑戰賽係全球最大型嘅 #公民科學 活動之一，旨在推動大眾認識同埋參與記錄 #生物多樣性 。今年嘅比賽喺4月28日至5月1日舉行，參賽城市嘅居民只需將佢哋喺城市境內唔同地方嘅生物觀察上載至 #iNaturalist ，經鑑定後，觀察紀錄數、物種數、觀察員人數最多嘅城市就會獲勝。
今年，香港喺觀察紀錄數同埋物種數兩項，都破咗自己由2018年參賽以來嘅紀錄㗎，叻！
ヽ(○´∀`)ﾉ♪
身為銅鑼灣企鵝，鵝梗係關注返吾鄉銅鑼灣。究竟參賽者喺銅鑼灣見到啲咩生物？有冇發掘到一啲企鵝唔知道嘅街坊呢？
拉大今年嘅生物觀察地圖來睇，鵝發現喺銅鑼灣嘅紀錄集中喺 #維園 ，以綠色標記嘅植物為主，亦夾雜咗少量用藍色標記代表嘅雀鳥。有朋友喺避風塘目睹 ＃白胸翡翠 ，鵝睇鳥書認識呢種雀，但仲未曾見過佢真身，真係羨慕死鵝～～
諗諗吓，羨慕不如行動。既然鵝都鍾意周圍影周圍貢，不如都試吓參與下年嘅城市自然挑戰賽，親身記錄低銅鑼灣出沒嘅生物？
コメント