企鵝山野不留痕

今日 #元宵 ，聽講有啲人類會去賞花燈 & 猜燈謎（其實依家仲興唔興？），期待喺燈會邂逅意中人，但企鵝唔係咁㗎～

譬如，#阿德利企鵝 & #巴布亞企鵝 喺求偶時，會搵最靚嘅一粒鵝卵石，送俾心儀嘅女仔。如果對方接受，都算定情㗎喇，可以一齊築巢喇。

築巢都係用石頭，好彩交配成功生到蛋嘅話，孵蛋都係喺巢度。築巢嘅石堆要高過地面，避免企鵝蛋同冰冷嘅海潮接觸，而且，即使啲冰開始融，水可以喺石頭間嘅罅隙流走，令巢穴盡量保持乾爽。

之但係石頭都唔易搵，係珍貴物資，有啲企鵝甚至會偷其他企鵝嘅石頭，有時仲會大打出手添呀！

鵝今日喺 #維園 都見到好多石頭，心思思想揀一粒送俾小雲。但鵝亦明白，鵝畢竟已喺香港活咁耐，無論喺野外或街上，無論係一朶花定一嚿石，都唔可以帶走㗎。所以鵝就影相囉，都係一份心意吖～