中央圖書館有桔樹？

仲有半個月就農曆新年，鵝喺 #中央圖書館 附近散步時，見到有棵樹掛滿橙黃色嘅果實，離遠睇好似桔樹咁，顏色應晒節啊！

ˎ ₍ • ө • ₎ ˏ ♡

不過除咗色澤， #高山榕 嘅果實橫睇掂睇都唔似 #年桔。榕果細粒好多、幾乎冇梗，表面仲有粒凸起嘅肚臍仔添～

睇資料，高山榕嘅榕果好受雀鳥、短吻果蝠歡迎。不過，以鵝所見，呢批榕果可能唔太好味，生滿枝頭，都未見有動物來食呢。

高山榕仲有個名叫 #雞榕。鵝知道，另一種榕樹筆管榕，又有個別名叫 #雀榕。但係搵「鵝榕」，Google以為鵝要搵「鵝絨」啊，嗚嗚⋯⋯

(ಥ﹏ಥ)

#企鵝散步見聞