足不出戶，登陸 #南極洲 ！
實情係，近排企鵝鵝掌痛，無法自如地落街行來行去，眼見初冬嘅天氣好到不得了，天空清澈透明，體感乾爽，實在係最適合散步嘅時節，鵝都好想出去散步⋯⋯
希望休息多幾日鵝掌會好啲啦。
好返之前，鵝繼續睇書，滿足好奇心。而翻開地圖集，就係其中一個留喺屋企都去到旅行嘅方法。雖則依家上網乜都有得睇，但鵝依然非常享受翻開實體書本嘅觸感，同發光嘅螢幕真係好唔㗎，總覺得睇書溫柔啲。
無意中又發現，原來 Google Map 上嘅南極洲，冇乜資料記載，似乎亦睇唔到南極洲嘅地形？原來都睇到。預設狀態下嘅 Google Map，資料2D 呈現，南極洲就變成成幅地圖最底底一條白雪雪橫條。大家喺地圖上右下角㩒 圖層 Layer > 更多 more，然後剔 地球檢視畫面 Globe view，就可以睇到成個南極洲地形啦～
但講到仔細，都係鵝依家睇緊嘅 The Times Comprehensive Atlas of the World 更精彩，原來南極洲上有咁多地點都被人類命名，真係有趣，嗰啲地名同鵝哋嘅叫法完全唔同！
Comments