人類成日覺得鵝腳短，屹吓屹吓好可愛。哩個係天大嘅誤會！其實企鵝都有大長腿，只係收埋咗！
至於點樣收埋，鵝偷偷地話你知。無論企定定還是急急腳行，鵝隻腳都係曲埋㗎。企鵝嘅雙腿喺體內呈半踎狀態，然後用肚腩遮住。咁樣游水嗰陣仲少啲阻力，魚都捉多幾條～
你可能會問，咁點解鵝腿唔短啲，要曲埋呢？因為鵝條長腿好重要。
「透視」鵝嘅長腿，原來從體內輸出溫暖血液嘅血管，會同接觸冰面嘅血管交纏，令凍冰冰嘅血液輸送到身體嘅時候，已經變得溫暖，keep住鵝身暖笠笠。
鵝即將出版嘅新書《銅鑼灣企鵝——散步遊記》入面仲有其他關於企鵝嘅小知識，等大家可以認識多啲企鵝 in general。之但係，鵝係獨一無二嘅。要知道鵝多啲，歡迎大家買書睇啊～
講到哩度，鵝又望望對腳，都唔知應該行可愛路線定係型鵝路線好啦。好苦惱，好苦惱⋯⋯
( ˊ̱˂˃ˋ̱ )
Comments