日本杜英

天口㷫，鵝諗住去 #Venchi 買球 #開心果同 #榛子雪糕食，踏住輕快嘅腳步，行到利園二期外面嗰陣⋯⋯

「哎呀！」有粒嘢擊中鵝嘅叉骨，即係人類嘅鎖骨，好痛呀！

〣 ( ºΔº ) 〣

鵝執起粒傷鵝元凶睇，佢係粒表面光滑、綠色嘅欖球形果實。撳吓佢，明明有啲腍，點解打落鵝到咁鬼痛㗎，嗚嗚⋯⋯

鵝左望右望，附近只得 #日本杜英。岳高頭，發現佢確係結緊果——今次仲唔鵝證物證俱在！！日本杜英四至五月開白花，七至八月結果。鵝記得佢嘅花期好短，一個禮拜內就落盡，要專登留意住先欣賞到。

睇資料，日本杜英別名 #薯豆，有人會以呢種樹種菇，所以佢又叫「#香菇柴」。用水煮過樹皮同樹葉之後，仲可以做卡其色、茶黃色等嘅 #植物染添！

最近落咁多雨，鵝一於搵搵日本杜英嘅樹底有冇生菇～

(ෆ´ v `ෆ)

相關文章