隻鞋巨到可以俾鵝當艇仔撐，仲識轉彎。睇真啲，原來係廣告，宣傳渣打馬拉松 & #Adidas。
鵝好奇，隻鞋係左腳定右腳？幾多號鞋？另一隻鞋去咗邊？
( •̌.•̑ )ˀ̣ˀ̣
話說回來，#渣馬 喺上禮拜日舉行，選手都喺維園衝線，鵝都去咗湊熱鬧！
但鵝醒唔起幾時開始馬拉松變成一件關銅鑼灣嘅事。翻查資料，原來渣馬喺2008年先至第一次將終點設喺 #維園 。
首屆渣馬喺1997年舉行，以上水為起點，跨境跑去深圳。兩年後移師市中心，由中環跑去深水埗，途經西隧 & 長青隧道。2008年，終點搬咗來維園，兼且將最後一段賽道由灣仔伸展到銅鑼灣，方便大家喺衝線前一公里為參賽者打氣。
另，呢個廣告嘅標語係「慢慢嚟，一樣快過你」，鵝覺得呢句標語有啲型，同時亦比佢串親⋯⋯
( ๐_๐)
係咪要跑多啲步呢⋯⋯但鵝喜歡散步⋯⋯
Opmerkingen