希雲街

上星期連續幾日都落勁大雨，企鵝心血來潮去希雲街嗰頭探吓啲樹嗰陣，一時大頭鵝咗，唔記得帶遮，搞到成身濕晒，好鬼狼狽！

唉，散步先來落雨，唔通連個天都唔鍾意鵝？

(ﾉ･ｪ･)ﾉ

正當鵝愁到喺屋企望天打卦，有朋友安慰鵝，話鵝聽原來之後啟超道、恩平道會起一條接去利園二期嘅簷篷，而利園二期、三期、五期同六期之間會起天橋，再駁埋加路連山道興建緊嘅新商廈同區域法院。換句話講，未來由希慎廣場行到禮頓道都可以有瓦遮頭。哼，好天曬定落雨淋，通通阻唔到鵝出遊～

( ͡° ͜ʖ ͡°)✧

#企鵝散步見聞

#天氣不似預期