熱浪逼人，行入銅鑼灣嘅石屎森林，體感溫度瞬間飆升。身為一隻極度怕熱嘅企鵝，出門在外最緊要嘅兩件事：避暑同搵水飲。唔想每次口渴都嘥錢買嘢飲，又想實踐減塑生活？ 帶埋你個水樽，跟住鵝嘅步伐，一齊優雅地喺銅鑼灣抗暑啦！ (◍ˊㅿˋ◍) 企鵝私心推介： 如果鵝友想解鎖更多附近嘅免費冷熱水機位置，強烈推薦下載「撲水 Water for Free」App！ 呢個 App 非常方便，一打開地圖就能夠一秒搜尋附近大大小小嘅免費加水站。無論身處香港邊一個角落，都可以做到「免費水機自救兼減廢」，一邊慳錢、一邊減少塑膠廢棄物，齊齊保護地球！ 嘎～～～

登登登凳！ 鵝的新朋友，係鵝友親手整嘅一隻鑲嵌玻璃企鵝～ 鵝友分享，呢門工藝歷史非常悠久，源自中世紀嘅歐洲，以前會應用喺古教堂嘅窗戶或者宮廷建築度。鑲嵌過程要人手將玻璃切割、打磨，然後用銅箔同鉛條慢慢焊接，將多片唔同色彩同紋理嘅玻璃拼湊埋一齊，變成一隻咁精緻嘅企鵝。 鵝好鍾意望住光線穿透玻璃鵝身上嘅時候，透射出色彩斑斕嘅光影，治癒感滿滿呢。 (●´ᗜ`●) ♡